"DADDY, who's that man with mommy and who's that baby?" tanong ni Euna habang nagda-drive siya ng kotse. Nasa passenger's seat ito at malayang nilalaro ang isang stuffed toy roon.
Saglit na napatda si Brix. Hindi niya alam kung ano'ng itutugon sa anak. Sasabihin ba niyang ang baby na iyon ay kapatid nito sa lalaking kasama ng mommy nito kanina?
Nagtagisan ang bagang niya. Sa tuwing naaalala niyang may anak na si Sofia sa iba ay sobrang galit ang nararamdaman niya para sa dalaga. Tingin niya'y pinagtaksilan siya nito, at hindi niya iyon matanggap.
"That baby is your sibling, Euna. Anak namin ng mommy mo," wala sa sariling sagot niya. Huli na para bawiin niya iyon. Bahala na. Bahala na kung ano'ng isipin ng lalaki ni Sofia na inaangkin niya ang anak nito.
"Really, daddy?" Namilog ang mga
