LAURA MAY CASTILLO
Ang tanging nakaligtas sa aking mga gamit ay ang wallet at cellphone ko. Lahat ng libro at notebook ko ay nasupok ng apoy.
Napaupo ako sa sahig at sumandal sa malamig na pader. Bumukas ang pinto sa aking gilid at lumabas doon si Mariposa at Anne. Sabay silang napasinghap nang makita ang trash can na nag-aapoy.
Agad akong nilapitan ni Mariposa at umupo sa aking harapan. “Laura, are you okay? Napakasama talaga ni Adrian. Hindi na ako magtataka kung tatanda na siya sa school na ito.”
Hindi ako nakakibo dahil hindi pa rin ako nakakabawi sa mga nangyari sa akin. Ang gusto ko lang naman ay makapagtapos para matupad ang matagal ko ng pangarap. Napakatagal kong pinaghandaan ito at napakaraming paghihirap ang pinagdaanan ko pero ang dali lang para sa mga mayayaman na tula
