"Pinuno, ano na ang susunod nating gagawin? Nasa peligro na ang buhay ni Dayan," may pangamba kong tanong kay Pinuno.
Hindi ako mapakali at pabalik-balik lang ang lakad ko sa hospital room ni Dayan. Habang tumatagal ay mas lalong nagiging delikado ang buhay ni Dayan dito.
"Kailangan natin ng matinding pagbabantay. Siya lang ang nag-iisang magliligtas sa atin mula sa kadiliman at sakim na mga kaaway," wika ni Pinuno habang matiim na nakatingin kay Dayan.
"Ngunit hindi pa rin po siya nagigising. Wala naman mangyayaring masama sa kaniya habang wala pa siyang malay hindi ba?" tanong ko sa aming pinuno habang nakatitig sa maamong mukha ni Dayan na natutulog.
Ayoko nang malagay ulit sa panganib ang buhay niya. Hindi na dapat maulit ang nakaraan. Hinding-hindi kita pababayaan Dayan. Hindi d
