RILEY
Kinuha ko ang roba at inipit ang cellphone sa may balikat ko habang kausap ko pa rin si Vanessa. Katatapos ko lang kasi maligo at naghahanda pumasok sa school. Bukas na rin dadating ang resulta ng DNA test kaya kabadong-kabado ako kahit hindi pa dumadating.
Pakiramdam ko hihimatayin ako o aatakihin ng asthma. Hindi ako mapakali. Sumandal muna ako sa may sink. Nagtatanong kasi siya kung saan maganda mag honeymoon kasama si Dianne. Kung anu-ano na sinuggest ko ayaw pa rin niya.
Muli ako bumuntong-hininga, malapit na talaga ako mapikon sa isang 'to. "Vanessa my dear friend.." bigkas ko na malapit na mapikon. "Kapag hindi ka pa tumigil diyan kakahindi lahat sa sinabi ko asahan mo nandiyan ako within ten minutes." Banta ko pa.
Narinig ko naman ang pagtikhim niya. "Bakit ba ang init-in
