Hindi ko alam kung ano ang napag-usapan ni Amadeus at Michael dahil magmula ng mag-usap ang dalawa, hindi ko na nakitang nagkalapit o nag-usap pa ang mga ito. Kapag tinatanong ko naman, parehong walang imik.
At ngayong nagdesisyon akong bumalik ng Manila kasama ni Amadeus, sa huling pagkakataon ay nilapitan ko si Michael. Kanina pa kasi ito hindi tumitingin sa akin, talagang pinaninindigan ang pag-iwas sa akin.
Nakatalikod ito sa akin kaya inabot ko ang laylayan ng suot nitong t-shirt saka hinila iyon. Hindi ito natinag, bagkus lalo pa akong hindi pinansin.
“Michael, talk to me, please,” pakiusap ko.
Narinig ko ang mahina nitong pagmumura. Pagkuwan ay lumingon ito sa akin.
“Ano ba ang dapat nating pag-usapan, Natasha?” Nahiwatigan ko ang hinanakit sa boses nito. “Anong silbi ng p
