“HINDI po ako pumunta rito para mag-apply sa inyo sa News 8,” pagtatama niya sa maling akala nito.
“Kung hindi ka pumunta rito dahil sa News 8, anong ginagawa mo rito? At anong kailangan mo sa ‘kin bakit mo ako hinahanap?” salubong ang kilay na tanong nito sa kaniya. Siya naman ay diretso lang tumingin sa mga mata nito.
“Way back 1997 po ay iniwan niyo ako sa bahay ampuan — sa Little Oasis Haven,” pagpapaalala niya rito at kitang-kita niya ang gulat na rumehistro sa mukha ng dalawang kaharap.
“Doon tayo sa study room ko mag-usap at huwag rito,” may awtoridad na wika nito Pagtapos ay naglakad ito patungo sa isang silid na nasa gilid lang din ng hagdanan. Tahimik lang siyang sumunod dito. Bago ito pumasok ay lumingon pa ito sa kapatid nitong nakasunod lang dito. “Huwag ka nang sumama sa l
