-Kapag tumibok ng puso, wala ka ng magagawa kundi sundin ito!
Kapag tumibok ang puso, lagot ka na... siguradong huli ka!
Geraldine
TULAD NG inaasahan ko, heto at nakaabang na si Grachelle sa labas ng pinto ng banyo. Naka-cross ang mga braso niya at nakangiti ng nakakaloko.
Be ready, Gerry! Mag-uumpisa na ang intrigerang kapatid mo!
"Ikaw, ate, ha? Anong ibig sabihin no’n?"
"A-ang ano ba, Grace?" Nagkunwari na lang akong walang alam sa tinutukoy niya.
"Aysus! Indenial ka talaga palagi. Huling-huli na nga sa akto nagde-deny ka pa."
"W-walang ibig sabihin `yon. Malisyosa ka talaga."
Nagtuloy-tuloy akong naglakad patungo sa kusina. Nagutom na ako. Past seven na kasi, hindi naman ako nakain sa shop kapag dinner time. Talagang umuuwi ako dahil nagluluto si Grach
