- Ang pag-ibig na sinayang ay tulad ng isang basong tubig na natapon at malabo nang maibalik pa.
Paolo
NAGISING AKO dahil sa masuyong paghaplos sa mukha ko. Dumilat ako at nakita ko ang mala-anghel na mukha ni Geraldine. Nakangiti ngunit bakas ang pag-aalala.
"Buti naman at nagising ka na. Okay ka na ba?" tanong nito sa akin na hindi pa rin inaaalis ang mga kamay niya sa mukha ko.
Napangiti naman ako. Maalalahanin talaga siya. Magdamag niya akong binantayan kagabi dahil sa taas ng lagnat ko. Nasa hospital ako dahil tinamaan ako ng dengue. Buti na lang at hindi malala at naagapan agad.
"Medyo okay na ako, babe. Thank you sa pag-aalaga mo sa akin, ha?" Hinawakan ko ang kamay niyang nakahawak sa aking mukha at pinisil iyon ng bahagya.
"Wala iyon. S'yempre love kita kaya
