- to mend a broken heart is to love again! - eiramana325
Geraldine
PAGBALIK NAMIN sa Maynila ay inumpisahan ko nang tipunin ang mga gamit na nagpapaalala sa akin tungkol kay Paolo. Mga teddy bears na bigay nito, kwintas, bracelet, singsing at kung ano-ano pa. Pati na rin ang mga cards at pictures nito.
"Anong plano mong gawin d'yan, Ate?" tanong ni Grachelle nang makita akong hinahakot pababa ang isang kahon na pinaglagyan ko ng mga gamit.
"Itatapon ko na ang mga ito,” sabi ko at nagtuloy na palabas ng bahay. Inilagay ko sa dust bin ang mga iyon. Bahala na ang truck ng basurang hakutin iyon.
Bumalik ako sa loob at kinuha ang kahon na naglalaman naman ng mga sulat at pictures ni Paolo. Ito ang kahon na ibinalik niya sa akin noong araw na makipag-break siya sa akin. Inil
