Sydney Ortiz
Mabuti kong nilinis ang VIP room ni Sir Ethan hanggang sa may nakita akong isang maliit na bagay sa ilalim ng kanyang kama. Kumikinang iyon kaya pinilit kong abutin ang bagay na iyon kahit pa nasa dulong-dulo na iyon. Dumapa at gumapang ako sa ilalim ng kama para lamang makuha ang bagay na iyon.
“Hikaw?” manghang tanong ko nang sa wakas ay makuha ko ang maliit na bagay na iyon. “Paano naman magkakaroon ng hikaw dito? Sigurado naman akong hindi ito kay Sir Ethan,” nagtatakang tanong ko sa aking sarili.
Isang puting perlas na hikaw ang hawak-hawak ko ngayon na natagpuan ko sa ilalim ng kama ni Sir Ethan. At agad namang nagbalik sa isipan ko ang sinabi ni Sir Ethan sa akin kagabi.
“Isa pa pala, every 4pm pupunta ka sa Blue Prime Hotel para linisin ang VIP room ko doon. Bihira
