Sydney Ortiz
Nagising ako nang marinig ko ang pag-iingay ng alarm clock sa tabi ng higaan ko. Pikit-mata kong kinapa at kinuha iyon saka ko pinatay. Nag-unat ako at nang ilang segundo kong ma-in-in ang sarili sa higaan ay bumangon na ako at dumeretsyo sa kusina upang maghanda ng iaalmusal namin ngayong umaga. Pero pagdating ko sa kusina ay nakita ko doon si Inay na siyang abala sa pagluluto.
“Inay, ang aga niyo naman pong nagising,” bati ko sa kanya saka ako mahigpit na yumakap mula sa kanyang likuran.
“Uy, Anak. Mabuti iyon at nang maipagluto naman kita. Palagi na lang kami ang inaasikaso mo kahit may trabaho ka,” nakangiting tugon sa akin ni Inay habang naghahalo ng fried rice sa kawali. “Saka isa pa, napanaginipan ko kasi si George kagabi,” dagdag niya pa na siyang bahagyang nakapagp
