Sydney Ortiz
“Hindi ko alam na biglang darating si Beatrice dito. Bigla na lang siyang pumasok dito sa loob ng walang pahintulot at hindi na din siya nagawang pigilan pa ni Paul,” paliwanag sa akin ni Ethan habang ang mga mata ay mataman na nakatitig sa akin. Na tila nakikiusap din ang mga ito sa akin.
“Totoo po iyon,” segunda naman ni Paul sa sinabi ni Ethan.
Nanatili akong tahimik at walang imik. Hanggang sa sumenyas na lamang si Ethan kay Paul na iwan na muna kami nito kaya sa huli ay tuluyan na nga itong umalis. Sa huli ay tanging kaming dalawa na lamang ni Ethan ang natira sa loob ng opisina niya.
Mabigat na huminga si Ethan habang ang mga mata nito ay may pag-aalala na nakatitig sa akin. Tila naghihintay sa kung anong sasabihin ko o sa kung anong ipapakita kong reaksyon dahil sa
