Beatrice Albotra
"Ikakasal na 'yong dalawa, wala ka bang gagawin?" tila mapang-asar na tanong niya sa akin mula sa kabilang linya. Mariing napahigpit ang mga kamay ko sa manibelang hawak ko ngayon habang nagmamaneho papunta kay Ethan.
“Gagawa ako ng paraan. Sisiguraduhin kong hindi matutuloy ang plano nilang pagpapakasal,” desididong tugon ko rito. Narinig ko ang marahang pagtawa niya mula sa kabilang linya.
“Okay. Pero kung papalpak ka pa ulit this time, ako na ang gagawa ng paraan,” wika niya saka niya tuluyang tinapos ang tawag.
Hirap akong napalunok habang nagmamadaling nagmamaneho papunta kay Ethan. Hindi ko matatanggap ang balitang pakakasalan niya talaga ang babaeng iyon. Hindi ako papayag na mapunta siya sa iba. Kaya gagawin ko ang lahat para lang masira sila. At kapag binalika
