Sydney Ortiz
“P-po?” gulat na tanong ni George kay Inay.
“Inay!” marahan na saway ko naman sa aking Ina. “Hindi ko po siya boyfriend. Kaibigan ko po siya,” saad ko pa.
“Ah… ganoon ba?” ani Inay at bumalin siya kay George. “Naku, pasensya ka na ijo, ngayon lang kasi nagdala ng lalaki dito sa bahay si Sydney eh. Akala ko sa wakay ay may ipapakilala na siya sa akin na nobyo niya.”
“Inay,” muling saway ko sa kadaldalan ni Inay.
Marahan naman na tumawa lamang si George saka ako sinulyapan. “Malay po natin, sa susunod magdala na po siya ng boyfriend niya rito,” ani George.
“Hay. Huwag mo ngang patulan ang mga sinasabi ni Inay,” saway ko naman kay George na sabay lamang nilang ikinatawa ni Inay.
Sandali naman akong napatitig sa kanilang dalawa. Paano ay kung makatawa sila ay para bang clos
