Sydney Ortiz
Inabot ko ang cellphone ko sa ibabaw ng table na nasa tabi ng higaan ko. Tiningnan ko kung may reply na ba si Sir Ethan sa akin pero bigo ako. Siguro sobrang busy niya. At siguro ay hindi din ito natutuwa sa palagi kong pagte-text sa kanya. Mas mabuti siguro kung pipigilan ko na lang muna ang sarili ko na i-text siya. Siguro ay okay lang naman siya ngayon kung nasaan man siya.
Sa huli ay ibinalik ko na lamang ang cellphone ko sa ibabaw ng table, at agad naman akong natigilan nang makita ko doon ang hair clip na siyang nakita ko sa bag ni Inay kahapon. Pinunasan ko na iyon kaya wala ng bahid iyon ng dugo. Pagkatapos ay pinagkatitigan ko din ang bracelet na suot-suot ko. Saka ko lang naalala ‘yong hikaw na napulot ko dati sa VIP room ni Sir Ethan sa Blue Prime Hotel noong unan
