THIRTY-THREE
NATIGIL SA tangkang pagpasok sa inookupang silid si Railey nang mapansin na bukas ang pinto ng silid ng kapatid na si Laya.
Ang alam niya hindi na babalik pa doon ang kapatid dahil nagkaayos na ito at ang mga magulang nila. Naglakad siya papunta do'n at nakita niya ang likod nito. May inilalagay itong mga gamit sa backpack habang nakatayo naman ang bigay niyang gitara sa gilid ng kama.
Dahan-dahan siyang lumapit para gulatin ito. Pero napatigil siya nang mapansin ang isang kulay orange na bote na ngayon ay hawak nito at tinititigan.
Naalala niya ang gamot na iniabot ni Dra. Cristobal kay Rasha kaninang umaga. Kaparehong-kapareho ito ng hawak ni Laya. Naalala din niyang sinabi ng dalaga na na-misplace nito ang gamot nang magpunta sila sa clinic.
"Laya," kuha niya sa atens
