TWENTY-THREE
NAGTATAKA si Rasha habang palapit sa front porch dahil napakadilim sa buong bahay. Walang nakabukas ni isang ilaw. Hindi naman niya ugali ang magpatay ng mga ilaw.
Mukhang wala rin si Railey at Laya. Wala naman sinabi ang binata na aalis ito. Pero pwede rin na umalis ito dahil hindi naman nito kailangang magpaalam pa sa kanya. Buong araw siyang nagtrabaho sa resort kaya hindi na niya napansin kung umalis ito.
Kinuha niya ang susi sa handbag at isinaksak 'yon sa keyhole. Pagbukas niya ng pinto ay biglang bumaha ang liwanag sa living room kasabay no'n ay ang nakabibinging mga boses.
"Surprise...!" Hinintay niya munang mag-adjust sa liwanag ang mata niya saka niya tiningnan ang mga taong nasa loob ng bahay niya.
"M-mama? Papa," hindi makapaniwalang bulalas niya. Kasama ng mg
