FIFTEEN
TUMAYO si Dana mula sa pagkakahiga sa lounge chair nang masiguro na nakalampas na si Theo. Hinabol kasi siya nito kanina nang aksidente silang magkita sa may restaurant. Buti na lang at mas mabilis siyang tumakbo dito kaya natakasan niya ito.
Iginala niya ang tingin sa paligid at hindi niya ito nakita. Iilan lang ang nasa pool area ng mga oras na 'yon kaya agad niyang nalaman na wala ito doon. Hapon pa lang at kadalasan ang mga guests nasa tabing dagat pa. Sa gabi dumadami ang mga tao doon na karamihan ay mga kabataan. Mas gusto kasi ng mga millenials na sa gabi mag-swimming para iwas sa init ng araw. Isa pa'y karaniwan na wala ng bantay na mga adult dahil karamihan ay nagpapahinga na.
Nakahinga siya ng maluwag at bumalik siya sa pagkakahiga. Dahil sa pagtatago niya ay nakomprom
