FOURTEEN
"WALA PA rin palang nagbabago sa loob ng mga cottage dito," komento ni Railey habang pinapasadahan ng tingin ang pang-anim na cottage na pinuntahan nila ni Rasha. Wala siyang nakuhang sagot kaya hinanap niya ito.
Nakita niya ito na nakaluhod habang inaayos ang puting bedsheet. Napangiti siya nang humarap sa kanya ang babae. Gumanti ito ng ngiti at nagpatuloy sa ginagawa. Hands on talaga si Sheena pagdating sa pamamahala ng resort. Kahit paglilinis ng banyo at pagtutupi ng mga kumot ay ginagawa nito. Gaya ngayon. Pinagpag nito ang dalawang unan at mayamaya ay narinig na niya ang bahing nito.
Nalilibang talaga siyang panoorin ito at natatawa siya sa tuwing babahing ito ng may ilang beses. Pagkatapos ay yayakap ito sa kanya dahil puno na ng luha ang mata nito at namumula na ang il
