THIRTEEN
NASA RESTAURANT si Rasha para mananghalian. Kasama niya si Dana pero umalis ito sandali para kumuha ng dessert. Hindi pa man sila nakakakain ng tanghalian gusto na nitong may nakahain na dessert sa mesa nila.
Nakahain na ang main course sa mesa nila at nate-tempt na siyang kumain. Hindi pa kasi siya kumakain ng almusal. Kaya lang naman siya good mood na pumasok kanina ay dahil sobrang haba ng tulog niya. Hindi biro ang ten hours na tulog. Sobrang sarap sa pakiramdam.
Pakiramdam niya nga ay walang makakasira ng mood niya ngayong araw. And it seems that everything is in favor of her.
Natigil siya sa pag-iisip nang tumunog ang cellphone niya na nasa ibabaw ng mesa at nakarehistro sa screen ang pangalan ni Doktora Cristobal. Dinampot niya 'yon at itinapat sa tainga niya matapos pi
