TWELVE
"NASAAN na si Rasha? Bakit kayo ang bantay dito?" Tanong ni Dana nang makita si Railey at Mang Tony na nakabantay.
Nasa kalagitnaan na ng gabi at tapos na ang party. Kakaunti na lang ang tao sa tabing-dagat dahil nagbalikan na sa cottage ang iba. Napagdesisyonan nila ni Mang Tony na manatili pa sa pagbabantay habang uminom ng beer.
"Ewan ko ga dine kay Sir Railey, kanina laang ay magkasama sila e, ng bumalik dine e mag-isa na laang," anang matanda sa puntong Batangueño. Medyo may tama na rin ito dahil pangatlong bote na nila 'yon. Sinabi sa kanya nito na hindi na ito masyadong umiinom pero dahil bagong kaibigan siya ay pumayag ito.
Natigil siya sa tangkang pagtungga ng beer sa bote nang mapanuri siyang tingnan ni Dana. Ibinaba niya ang bote at sinalubong ang tingin nito.
"Sinab
