ELEVEN
NAGKAKASIYAHAN na ang mga guests sa tabing dagat dahil nagsimula nang kumanta ang banda na kinuha nila. Babae ang band vocalist at rock music ang kinakanta nito. Hindi pa mabistahan ni Rasha ang mukha ng nasabing vocalist dahil abala pa siya sa pag-asiste sa nagdadatingang mga bisita.
"In fairness maganda ang boses ng kinuha ni Laya! At favorite ko pa ang mga kinakanta nila!" Sigaw ni Dana para marinig niya.
"Bakit hindi mo silipin kung sino 'yon? Kaya ko na dito! Kaunti na naman ang dumadating na customer e!" Ganting sigaw niya.
"Sigurado ka? Pwede ko naman silang kilalanin mamaya no!" Nagdadalawang-isip na sabi nito.
Sinenyasan niya ito na umalis na. Ilang beses pa itong nagdalawang-isip pero nang maglaon ay umalis na rin ito. Nang makaalis si Dana ay balik siya sa pagsalubon
