"BAKLA, AYUSIN MO, HA." May himig pagbabanta na sabi ni Arsi sa make up artist na kasama rin ng wedding coordinator. "Dapat pagkatapos mong make up-an iyang kaibigan ko maging magkamukha kami. Kung hindi, hindi ka talaga mababayaran." Dagdag biro pa nito.
Mabuti na lang at alam din ng make up artist na nagbibiro lang ito, at marunong ding makipagbiruan ang bakla kaya naman sinakyan din nito ang biro ng kaibigan ko.
"Naku! Sir, ha! Baka lalo akong hindi mabayaran ng groom kapag ginawa kong kamukha ninyo itong si Madam."
Doon ito pinandilatan ng mahadera kong kaibigan. Nameywang pa.
"Sir?! Sir?! Nakikita mo ba kung gaano ako kaganda ngayon? Alas siyete pa lang, tulog na ako kagabi para lang sa kinakailangang beauty rest ng kagandahan ko dahil, for your information, ako lang naman ang mai
