Kung hindi lang hawak ni Amber ang kamay ko ay kanina ko pa pinagsusuntok ang pader, nakausap na namin ang doktor na tumitingin kay Baby Ralph, expected ko naman na hindi maganda ang sasabihin niya sa akin pero masakit pa rin pala pag harapan nang sinabi sa iyo ang katotohanan.
Twenty five percent. Twenty five percent of survival kung hindi siya maooperahan sa lalong madaling panahon and forty percent chance kung maooperahan,kahit saan ka pumili sa dalawa, there is this big possibility that Baby Ralph won't make it. Masyadong mahina ang pangangatawan ng anak ko, and to think na two months pa lang ang bata.
Wala akong narinig anu mang salita mula kay Amber, tahimik lang din siya katulad ko, kahit nung nasa sasakyan kami pauwi ng bahay ay hindi siya nag-oopen ng kahit na anong topic.
