Ilang araw ding namalagi sa ospital si Amber at ang baby namin na pinangalanan naming Dale Zachary, pinagtalunan pa talaga naming mag-asawa yung paglalagay ng Zachary sa pangalan ni baby, ayaw kasi ni Amber dahil hindi daw bagay sa baby namin yun, talagang ipinaglaban ko yung gusto ko pero ayaw talaga niyang pumayag kaya dinaan na lang namin sa jack en poy buti na lang ako ang nanalo hahahaha. Napagdesisyunan din pala namin na sa bahay muna ng parents ni Amber kami tumuloy habang nagpapagawa pa kami ng sarili naming bahay, ayaw na kasing bumalik ni Amber sa bahay namin noon.
"Zach, huwag kang malikot, natutulog si Dale baka magising nanaman yan." saway sa akin ni Amber na kasalukyang nagtitiklop ng mga damit ni Baby Dale.
"Hindi ako malikot, tinitignan ko lang baka may pawis na yung liko
