NAGPATULOY kami sa site inspection, paikot-ikot habang ipinapakita ng mga engineer ang bawat bahagi ng construction. Pilit ko namang inaalis sa isip ko ang init ng kapit ni Ace sa bewang ko. Kahit na busy siya sa pakikipag usap ay nananatili pa rin ang bigat ng kamay niya doon na parang ayaw talaga akong pakawalan. Nailang tuloy ako sa mga kasama namin, I'm sure na alam nila ang naging past namin ni Ace at binabalewala na lang ang nakikita ng mga mata nila ngayon.
Ilang minuto pa ang lumipas, mas naging abala pa sila. Hindi ko na rin namalayan na bumitiw na si Ace sa kapit niya sa akin na hindi ko alam kung ikatutuwa ko ba.
Inalis ko na lang iyon sa isip ko at naglakad lakad sa paligid. Naisip ko bigla na kailangan ko na sanayin ang sarili ko sa ganitong trabaho. Ito ang pinili ko at gu
