Chapter Thirteen
1342 Words
PAGKATAPOS mawala sa kabilang linya ang kaibigang si Moira ay naisip naman ni Paige na tawagan si Akira, pero hindi pa niya natatapos i-dial ang numero ng babae ay nakarinig siya ng katok buhat sa labas ng pintuan. Napabangon siya at binuksan ang pinto.
“Hi! Ready ka na ba?” nakangiting sabi ni Thaddeus na siyang nabungaran niya na nakatayo sa labas ng kanyang silid.
Mukhang katatapos din lang ng lalaki na maligo. Basa pa ito at napaka-fresh tingnan. Naka-maong na pantalon ito at polo-shirt na pink. Bakit ba ang guwapo nitong tingnan kahit pa ano ang isuot nito?
Nagsalubong ang mga kilay niya. “Ready saan?” naguguluhan niyang tanong.
“Tuturuan kita kung paano bumaril,” tugon nito.
Natigilan siya pakiramdam niya ay biglang nanlamig ang katawan niya sa narinig. Ang totoo ay hindi pa siya lubos na nakakabawi sa shock na naranasan ilang gabi na ang nakakaraan. Pinipilit lang niyang ipakita na okay na siya dahil ayaw niyang mag-alala ang mga tao sa paligid niya.
“K-kailangan pa ba 'yon?” aniya na pilit binuo ang tinig.
Ilang sandali siyang tinitigan ng binata, pagkatapos ay tumango ito. “Oo, kailangan mong matutunan na depensahan ang sarili mo. Isa iyon sa ibiniliin sa akin ng Papa mo bago tayo magpunta rito.”
Hindi siya nakaimik.
“Okay ka lang ba? Namumutla ka,” nag-aalalang sabi ng lalaki.
“Ayos lang ako.”
“Paige, kung hindi ka pa ready puwede namang sa ibang araw na lang, eh,” ani ng binata.
Pinilit niyang ngumiti. “Ngayon na. Hindi natin alam kung kailan uli pagtatangkaan ang buhay ko, 'di ba? Hintayin mo ako sa ibaba.”
Bago pa makapagsalita ang lalaki ay isinara na niya ang pinto ng kanyang silid. Napasandal siya roon, kagat-kagat niya ibabang labi. Dama niya ang bahagyang panlalambot ng tuhod niya. Kinakabahan siya, ni paghawak ng isang b***l ay hindi pa niya nasusubukang gawin, 'tapos ngayon ay ipuputok pa niya. Pero alam din niya na tama si Slater at ang ama niya. Kailangan matuto siyang protektahan ang sarili.
Mariin niyang ipinikit ang mga mata. “Kaya mo 'yan, Paige. Kaya mo,” pagpapalakas niya ng kanyang loob.
NAKANGITI na tinitingnan ni Thaddeus si Paige habang pababa ang dalaga ng hagdanan. Naka-jeans na itim ang babae at denim shirt na sleeveless. Nang makalapit ito sa kanya ay iniabot niya rito ang earmuffs.
“Saan tayo magpa-practice?” tanong ng dalaga.
“Doon sa tabing-dagat,” sagot niya na nagpatiuna na sa palabas ng resthouse.
Nasa tabing-dagat ang resthouse ng mga Colmenar. Kakaunti lang ang mga nakatirang sa parteng iyon kaya wala silang alalahanin na baka may makakita sa dalaga. Kanina pagkatapos mag-almusal ay nilibot niya ang paligid at saka niya isinet-up ang pagpa-praktisan ni Paige ng pagbaril. Naglagay siya ng malaking board na siyang magiging shooting target ng dalaga.
Naabutan nila si Ricky na inihahanda na ang b***l na gagamitin nila. Kinuha niya ang goggles at iniabot iyon kay Paige.
“Salamat, Pare,” aniya kay Ricky.
Tumango ito. “Maglilibot-libot muna ako. Miss Paige,” ani Ricky na bahagya pa siyang tinanguan bago sila nito iniwan.
Nang lingunin niya si Paige ay nakita niyang titig na titig ito sa dalawang b***l na nakapatong sa ibabaw ng maliit na lamesa. “Paige,” untag niya rito.
“H-ha?” tila natauhang sabi nito.
Lumapit siya sa babae at hinawi ang ilang hibla ng buhok na nalaglag sa mukha ng babae, isiningit niya iyon sa tainga nito. Hinawakan niya ang kaliwang pisngi nito. “Sigurado ka bang ayos ka lang talaga?”
Napatitig ito sa mukha niya at saka tipid na ngumiti. “Oo nga,” anito na iniwas na ang mukha sa kamay niya. Lumapit na sa may lamesa ang babae at isinuot ang goggles na iniabot niya.
“Simulan na natin,” nakangiting sabi ng dalaga pero hindi umaabot iyon sa mga mata nito.
Lumapit siya at kinuha ang isang kamay nito. “Alam ko natatakot ka. Hindi mo kailangang magtapang-tapangan, Paige. Natural lang na shaken ka pa rin hanggang ngayon sa nangyari.”
“Wala namang mangyayari kung hahayaan kong kainin ako ng takot, 'di ba?”
Napahinga siya nang malalim at tinanguan ito. Binitiwan niya ang kamay ni Paige at dinampot ang b***l. “This is a Beretta 92. Isang bagay lang ang kailangan mong isipin,” aniya na tinitigan ang babae. “Once you point your g*n, make sure na kaya mo iyong iputok.”
Tumango ang babae.
Iniabot niya ang b***l dito at ipinuwesto ang dalaga paharap sa shooting board. “That will be your target, okay? I-point mo roon ang b***l. Deretso lang ang braso. 'Yong isa mong kamay ang gamitin mong pang-suporta sa kamay mo na nakahawak sa baril.”
Sinunod siya ni Paige. Inalalayan naman niya ito sa pag-puwesto ng tama. Nakatayo siya sa likuran nito habang nakaalalay ang kamay niya sa mga braso ng dalaga. Maya-maya pa ay inutusan na niya itong kalabitin ang gatilyo ng b***l. Nakita niya ang mariin na pagpikit ng mga mata ni Paige kasabay ng pagbaril nito.
“Tinamaan ko ba?” malakas na tanong nito bago nagmulat.
Inalis niya ang earmuffs ng dalaga. “You missed. Medyo tumaas ang braso mo pagkalabit mo, eh. Sikapin mong huwag igalaw ang kamay mo at kapag babaril ka huwag kang pipikit. Titingnan mo ang target mo. Isa pa, three times mong iputok okay?”
Tumango naman ito. Muli niyang ibinalik ang earmuffs sa tainga ng babae.
Nang maubos na ang bala ng dalawang b***l ay pinatigil muna niya si Paige habang muli niyang nilalagyan ng bala ang magazine.
“Noon pinipilit ako ni Papa na mag-aral bumaril, pero ayoko. Hindi ko kasi naisip na one day mangyayari ito,” ani ng babae habang nakapanood ito sa ginagawa niya.
“Hindi ka kahit na kailan nakakasiguro, lalo na sa estado ng buhay ninyo,” sabi naman niya.
“Why did you join the NBI?” tanong ni Paige. “Matalino ka naman, CPA ka, 'di ba? Napakarami namang ibang trabaho na pupuwede sa'yo na malaki rin ang suweldo, and you don’t have to risk your life.”
Sinulyapan niya ito. “Hindi ko naman talaga ito gusto noong una, at si Inay tutol din siya sa naging desisyon ko.”
“Kung ganoon bakit ka pumasok sa ahensiya?”
Napahinga siya nang malalim. “My father was a senior inspector in NBI. His team was ambushed, siguro isa sa mga malalaking tao na nasagasaan nila ang nag-utos no’n. I was only eighteen when that happened. Si Ninong Victor ang tumulong sa akin na makatapos ng pag-aaral. After kong maka-graduate I worked in a company for four years and then I decided na pumasok sa NBI. Kahit si Ninong ayaw rin noong una.”
“So pumasok ka dahil sa father mo? Para makaganti?”
Umiling siya. “Hindi ko sila basta gustong gantihan. Hindi ko sila gustong patayin. Kapag pinatay ko sila, magiging madali lang ang lahat. I want to put them in jail. Iyong habambuhay nilang pagsisisihan ang mga nagawa nila.”
“May idea ka ba kung sino sila?” tanong pa nito.
“Binabalikan ko ang mga dating kaso na nahawakan ni Papa para makakuha ng lead, pero sabi ni Ninong huwag ko raw i-focus ang sarili ko doon. May isang kaso na nahawakan si Papa na hanggang ngayon hindi pa solved, pero hindi ako ina-assign doon dahil baka raw makaapekto ang personal grudge ko sa operasyon,” patuloy niya.
“Do you think sila iyon?” kunot ang noo na tanong pa ni Paige.
“I think so,” aniya na inilagay na ang magazines sa mga b***l. “Pero sa ngayon ang kailangan kong bigyan ng pansin ay ang kaligtasan mo. Ayokong may mangyaring masama sa'yo, Paige.”
Hindi nakakibo ang dalaga. Sinalubong niya ang mga mata nito pero maya-maya ay nagbawi na rin siya ng tingin.
“Mag-practice pa tayo. After this round, bukas naman ulit,” aniya na iniabot nang muli ang b***l sa dalaga.
- Writer
