"Are you okay?" nagaalalang tanong sa akin ni Dea sabay abot sa akin ng isang bote ng tubig.
Dinilaan ko ang ilalim ng labi ko dahil nararamdaman ko ang panunuyo niyon. "Thank you," kapos ang hiningang sabi ko at tinanggap ang tubig na binibigay niya. Kahalating araw na ang lumipas at wala kaming ginawa kundi ang maghakot lang ng mga props. Nakakaramdam na nga ako ng pangangalay ng katawan ko lalong-lalo na at kaunti lang naman kami na nasa props team kasi karamihan ng students ay may sinalihan talagang events.
"I'm tired," sabi ni Dea at naupo sa damuhan sa tabi ko. Nasa gitna kasi kami ng field ngayon when we both decided to stop and rest for a while.
Nakatingin lang ako sa mga kasama namin na naupo din at nagpahinga sa iba't ibang sulok ng field nang mapansin kaming nakau
