Nasa malaking living room siya habang nagbabasa ng magaxine nang lumapit sa kanya si Terrence. Tinaasan lamang niya ito ng kilay at ipinapatuloy ang pagbabasa. Kahit ang totoo'y wala naman siyang maintindihan kung ano ang mga nakasulat doon.
Okupado ng binata ang diwa niya mula nang umuwi siya ng mansyon, pati ang panaginip niya ay pinasok na rin ng hudyong lalake.
"Hinihintay mo pa bang buhatin kita palabas. " Buo ang boses na bigkas nito.
Matalim lamang niya itong sinuyapan ni pagkatapos ay ibinalik ang mga mata sa binabasa. Sa halos tatlong araw na pananatili niya sa asyenda ay gusto na niyang sumuko. Nakabuntot siya sa binata kung saan ito magpunta at kung anu-ano ang ipinapagawa sa kanya. Kung hindi pinapalinis ng mga silid sa mansyon ay pinapaayos siya nito ng mga kagamitan sa b
