NAIPUNAS ni Zai ang likod ng palad sa kanyang pawisang noo. Pagod na siya. Hindi naman siya na-inform na all around pala ang trabaho ng janitor na si Mang Ronnie na hanggang ngayon ay missing in action pa rin.
Taga-linis, taga-photocopy, inuutusan sa kung saan-saan na lang, iyon ang ginagawa ni Zai doon. Ikalawang araw na niya doon at gusto niya nang pagsisihang hindi niya sinunod ang payo ni Portia na akitin na lamang si Dice.
Kung ginawa niya iyon ay sana napadali pa ang misyon niya pero ayaw nitong makahalata ito sa kanya dahil siyempre magagalit ito kapag nalaman nitong may motibo siya. Isa pa, imposibleng magpaakit ito sa kanya.
Kaya nga ginawa niya ng dahilan ang reunion at pinagtitiisan niya na ang lahat ng inuutos nito dahil alam niyang hindi niya basta-bastang mapapaibig si D
