Twelve years ago...
"O, ZAI, papasok ka na?"
Napalingon si Zai nang marinig niya ang boses ng kaibigan s***h kapitbahay nilang si Portia. Naroon ito sa labas ng bahay nito at nagwawalis kasama ang ina nitong si Ellen.
"Oo, eh. Maglalakad pa kasi ako. Alam mo naman..." Portia gave her a knowing smile before she bid goodbye.
Napabuntung-hininga siya. Kahit ayaw niya man ay kailangan niyang umalis nang maaaga dahil maglalakad pa siya at iniiwasan niyang may makasabay siyang mga kaklase pagpasok niya. Mayayaman ang mga kaklase ni Zai dahil sa isang private school siya nag-aaral sa Legazpi, ang Martindale Laboratory High School.
Iyon nga lang ay hindi siya tulad ng mga kaklaseng nakakapag-aral doon dahil galing sa mayayamang pamilya kundi naroon siya dahil sa isang scholarship. Matalino
