Araw-araw pinagluluto ni kuya si Ate at araw-araw ding pinararamdam ni ate na galit syasa kanyang asawa. Di niya kinakain ang luto ni kuya at nagluluto siya ng iba. Isang linggo nang nasa isla si kuya at di daw sya aalis hangga’t di sumasama sa kanya ang kanyang asawa. Wala pa rin silang imikan at pansinan. Medyo mahina rin kasi dumiskarte si Kuya. Ewan kung takot sya sa asawa o nahihiya dahil sa kalokohang ginawa niya. Panay tingin lang niya sa asawa na palaging naka-short at sleeveless shirt.
Hindi man lang niya pilitin ang asawa na kausapin sya. Kapag ayaw ni ate ay wala na siyang magawa. Lagi syang pinagsasaran nito ng pinto at napapakamot na lang siya sa kanyang ulo.
Sa couch natutulog si kuya na mukhang masakit na ang likod. Ayaw din ni mommy na bilhan ito ng kutson. Kailangan daw
