“Teenager palang iyang si Dean ay magkakilala na sila nio Chloe. Kung hindi ako nagkakamali ay nasa edad disi otso siya noon at tuta pa lamang ang alaga namin noong makita niya itong tumatawid sa main road. So technically, siya ang hero ni Chloe at magmula noon, itinuring na siya ni Chloe na boyfriend.”
Tumango-tango naman ako sa sinabi ng may-ari ng kainan habang pinagmamasdan si Luke at Chloe na masayang naglalaro.
“Palagi po ba siya rito pumupunta?”
Umiling ang babae.
“Bihira. Siguro ay mga dalawa o tatlong beses sa isang taon. Basta, sigurado ako na sa tuwing dadalaw siya sa Batangas, hindi niya nakakalimutang dumaan dito. Oh siya, teka at aasikasuhin ko lang ang pagkain niyo.”
Umalis ito sandali para maghanda ng aming kakainin kaya naman ako nalang ang naiwan sa isang tabi, nan
