Sinubukang hawakan ni Luke ang kamay ko pero marahas ko iyong binawi mula sa kaniya. Alam kong kaya hindi sumasagot si Luke sa ama ko ay dahil nirerespeto niya ito. Naiintindihan ko naman iyon. Pero sana, ngayong nandito na kami sa labas. Huwag niya na akong pilitin sa bagay na ayaw ko.
Masama ang loob ko nang lumabas ng building. Dahil ayoko munang makita si Luke ay agad kong naisip na sa studio muna ako ni Hellix magtutungo. Dalawang sakay lang iyon ng jeep mula rito. Pero dahil ayoko nang maingay ang paligid, nagdesisyon ako na sa taxi nalang sumakay. Narinig ko ang pagtawag sa akin ni Luke pero hindi ko siya pinansin. Hinayaan ko lang siyang paulit-ulit na isigaw ang pangalan ko at humabol sa akin.
Pagkasakay ko ng taxi ay agad kong naramdaman ang pag-iinit ng paligid ng aking mga
