CHAPTER 31
Pagdating niya sa kanilang dorm ay nadatnan niyang gising pa rin si Nia.
“Hi,” nakangiting bati niya rito. “Bakit gising ka pa?” tanong niya saka isinara ang pinto at nilapitan ito sa sala.
“Hindi ako makatulog,” sagot nito.
“May nararamdaman ka ba? May masakit ba sa’yo?” tanong niya rito.
Matagal bago ito sumagot. “Can I tell you a secret?”
Tumango siya. “Oo naman,” sagot niya at umupo sa tabi nito. “You’re secrets are safe with me.”
Huminga ito ng malalim at hinawakan ang dalawa niyang kamay. “I never told anyone about this . . . pero kasi habang tumatagal na kinikimkim ko, bumibigat ang pakiramdam ko. At natatakot din ako na mawala siya sa akin.”
Napangiti siya, malaking bagay sa kanya ang pagbabahagi ni Nia ng sekreto nito sa kanya dahil ibig sabihin niyon ay mas lal
