YANESSA’S POV
BUMABA AKO NG tricycle at saglit pinagmasdan ang dalawang palapag na bahay, hindi kalakihan ngunit malaki na ito para sa isang tao na tanging naninirahan dito. Naramdaman ko ang malamig na kaluluwa ni Ghost sa tabi ko, naabutan ko itong nakatitig sa bahay katulad ko.
“Apo! Yane!” masayang salubong ni lola sa akin.
Tipid lamang akong ngumiti at ‘tsaka ako lumapit sa kanya. Matapos kong magmano ay agad niyang hinawakan ang magkabilang mukha ko.
“Kumusta kana? Mukhang maayos ka naman, kabaliktaran ng kinukwento sa akin ni Margie,” usal niya habang sinusuri ang mukha ko. “Mas naging maaliwalas ang iyong mukha, apo.”
Nahihiya akong ngumiti sa kanya at saglit na sinulyapan si Ghost sa tabi ko na tila natutuwa sa nakikita.
“Ayos lang ako, la.”
“Halika at pumasok na tayo,
