ADELINE
"Mayang! Bibang! Narito rin kayo?" masaya kong turan kaya napabitiw ako sa aking kapatid para yakapin at batiin sina Nanay Martha, Mira, Calvin at ang aking inaanak. Saglit akong nakipagbatian sa kanila bago humarap kina Mayang at Bibang. Niyakap ko rin ang mga ito ang masayang nakibalita sa kanilang mga buhay. Natutuwa akong makita na narito sila ngayon.
Nagpasalamat ako kina Mama at Papa sa pag-imbeta nila sa limang mahalagang tao sa aking buhay. Ipinakilala ko sa kanila si baby Noor at inimbetahan din na pumunta sa binyag ng aming anak. Masaya naman nilang pinagpasa-pasahan ang anak ko.
Ipinakilala ko rin si Elias kay Calvin at mukhang nagkasundo naman ang dalawa kaya sila ang nag-uusap bitbit ang kanilang mga anak.
"Mabuti at nakapunta kayo dito, sis," sabi ko kay Mira n
