ADELINE
Para akong pato habang naglalakad papuntang entrance ng mall habang tulak-tulak naman ni Tina ang stroller ni baby Noor, nasa tabi naman nila ang yaya ni baby Noor na dala ang baby bag. Tinawagan kasi kami ni Elias na doon na lang sa mall magkita at kumain sa restuarant dahil kasama niya ang kanyang kagroup for research. Pumayag naman ako dahil malapit lang naman ang mall kung saan siya nakikipag-usap sa kanyang mga kagrupo.
"Ate, tingnan mo itong si baby Noor, agaw-pansin talaga ang kagwapohan niya," puna ni Tina. Masayahin kasing bata si baby Noor kaya tuwang-tuwa siya sa mga nakikita niya lalo na kapag maraming tao. Nasanay na talaga siya sa maiingay na lugar kaya gustong-gusto nito na ipasyal namin siya sa mall. Dahil dito marami pa rin ang humahanga sa angking niyang karisma
