ALEXA POV
KANINA pa ako nagtataka kung kanino nanggaling 'tong bulaklak na nasa harap ko. Hindi rin maiwasang pati si Japet makaramdam ng pagtataka. Basta-basta nalang kasing may nagpadala sa akin. Wala akong kakilalang Karlo sa tanang-buhay ko.
"Manliligaw?" untag na tanong sa akin ni Chester nang bigla itong sumulpot sa harap ko.
"Hindi ko nga kilala e," maagap kong tanong sa kaniya. Ngumiti lang ito sa akin, muling pinagmasdan ang bulaklak na nasa harap ko. Aminado akong maganda ito, ngayon lang ako nakakita ng tulips sa personal.
"Maganda. Parang ikaw lang, Alexa," turan sa akin ni Chester. Ngumiti ako ng pilit sa harap niya, pakiramdam ko may pait ang mga salitang mula rito.
"Salamat, Chester. Pero hindi ko talaga kilala ang nagbigay niyan. Baka ibigay ko lang din sa ibang ka-tra
