ALEXA POV
MARIIN akong napapikit. Gusto kong maramdaman ang lamig ng simoy ng hangin sa aking balat, gusto kong damhin ang sandaling ito. Minsan lang ang pagkakataong 'to sa buhay ko kaya hinding-hindi ko sasayangin.
Nandito ako ngayon sa harap ng malawak na dagat ng Isla, laganap na ang dilim. Nang tingnan ko ang oras ng cellphone ko pasado alas-syete na rin ng gabi. Mahirap ipaliwanag ang sayang nararamdaman ko sa ngayon, pakiramdam ko buo na ako. Nakapunta na ako sa isa sa islang pinangarap ko at hindi lang 'yon. Kasama ko pa si Forth mismo.
Dahan-dahan kong dinilat ang aking mga mata.
"Ang ganda mo pag nakapikit ka." Bahagya akong nagulat nang nalingunan ko si Forth. Nasa tabi ko na pala ito hindi ko man lang namalayan. Nakangiti ito sa akin.
"Ano'ng ginagawa mo rito? Akala ko b
