Sinilip niya ang dalawa sa maliit na bintana. Tuwang tuwa naman ang dalawa habang nagkukwentuhan tungkol sa childhood memories ng dalawa. Hindi nagtagal ay nakita niyang binubuksan ni France ang bote ng alak at nagsimula nang mag-inuman ang dalawa.
"Tsssk, tuwang tuwa ka ah? Well, tingnan natin bukas kung legit pa 'yang ngiti mong' yan France Geller ka!" bulong niya sa sarili.
Mabilis niyang inubos ang mga pagkain sa plato niya. Tumayo siya at naghanap ng malaking plastic bag at malapad ang ngiti nang buksan ang ref ni France. Punong puno iyon ng mga pagkain. Kakagrocery lamang pala nito kanina kaya andaming supplies. Hindi rin niya pinalampas ang laman ng cabinet nito na puro canned goods, oil at iba pang seasonings.
"Wow, ito ang gusto ko!" sambit niya nang makita ang mga bawang at
