"Ano ka ba naman Hope, ba't hindi ka nag-iingat sa pagmamaneho mo, tingnan mo tuloy kung ano ang nangyari sa'yo!" nangangalaiti niyang sambit sa kan'yang kaibigan na ngayon ay nakaratay sa isang private room ng isang hospital.
Tinawagan siya kaninang umaga ni Tanya na naaksidente raw ang kaibigan nila habang minamaneho ito. Ito kasi ang pinaka-kaskasero sa kanilang magkakaibigan. Hindi naman nagtagal ay dumating na rin sina Cathalea Valkyre at Tiger Geller. Mabuti na lamang talaga ay walang masamang nangyari sa kaibigan nila.
"Baka naman gusto mo nang magpakamatay? Alam naming sanay ka sa pagmamaneho! Hindi kaya lalake ang dahilan kaya ka muntikang mahulog sa bangin? Hmmm, broken hearted ka ba? Sino ang lalakeng nanakit sa'yo at bibigyan natin ng leksyon?" mahabang saad ni Cath.
Hindi n
