DAHIL sa nangyaring gulo na ginawa ni Luna sa Headquarters ng Underground Secret Organization. Bilang parusa ay na-detain siya doon sa mismong headquarters ng isang linggo. Nang makalabas si Luna mula sa ospital ay sinama siya ng mga kasamang agent at mula noon ay doon na siya namalagi. Hindi naman nagpabaya si Blaine at araw-araw na dumadalaw sa nobya.
Nalaman ni Luna nang naroon na siya sa ospital at tuluyan nang nahimasmasan na noong gabi pa lang na hinahanap nila ang larawan sa bahay nila Blaine ay nahalata na siya nito. Ayon mismo sa nobyo ay lihim siya nitong inoberbahan. Dahil kilalang-kilala na siya ni Blaine, nahalata nito ang pagiging tahimik niya ng gabing iyon. Alam din nito na hindi siya nakatulog at nakita nito ang larawan na nasa pader at ginawa niyang target ang mukha ni
