“LUNA?” salubong ni Lani sa dalaga nang makasalubong ito.
Mula pa lamang ng lumabas sa elevator ay pinagtinginan na siya ng mga staff ng USO. Mula sa kanya ay bumaba ang tingin ng mga ito sa baril. Ngunit wala nang nakikita si Luna sa paligid ng mga sandaling iyon.
“Luna! Hoy! Anong nangyayari?!” nagtatakang tanong ni Lani sabay hawak sa kanyang braso.
Mabilis siyang pumiksi at hindi man lamang tinapunan ng tingin ang kaibigan. Naramdaman niyang sumunod ito.
“Arnel, si Luna… anong nangyayari sa kanya?” tanong nito sa kaibigan nila.
“Sandali lang, Luna? Luna! Agent Madrigal!” tawag nito sa kanya.
Again, she become deaf. Hindi pinansin ni Luna ang mga ito at dumiretso siya ng lakad patungo sa kanyang pakay habang patuloy na nakasunod ang dalawang kaibigan.
Mabilis at mabigat ang
