Inayos ko na ang gamit ko sa bag para sa pupuntahan namin. Hinihintay ko na lang na dumating sina Mariana at Tippy. Nakaupo lang ako sa living room at tahimik na nagdadasal. Kanina pa tahimik si Orlando at nakahawak sa baba niya. Kung matagal pa bago makarating si Tippy at Mariana paniguradong puwede pang magbago ang isip ni Orlando.
“Adalee,” aniya.
“Ada! Nandito na ang mga kaibigan mo,” sigaw ni Bebeng sa labas. Napangisi naman ako at kaagad na kinuha ang bag.
“Alis na ako,” saad ko at nagmamadaling tumayo. Tumayo rin si Orlando at kinuha ang bag ko.
“B-Bakit?” kinakabahan kong tanong sa kaniya.
“Hatid na kita sa labas,” malamig niyang sagot. Nakahinga naman ako nang maluwag nang nauna na siyang lumabas. Nakatingin lang ako sa likuran niya.
“They’re waiting, huwag mo na akong
