Hindi ako masyadong nakatulog kagabi dahil sa kakaisip kung anong nangyari kay Xyrus.
Hindi niya na nga ako sinundo tulad ng ipinangako niya, hindi rin siya nagtext o tumawag man lang. Dati-rati naman walang araw ang nagdaraan na wala siyang paramdam, pero bakit ngayon pakiramdam ko may mali.
Hayaan na nga. Baka may biglaang ginawa lang.
Bago ako bumangon sa kama ko ay ramdam ko na ang p*******t ng buong katawan ko.
Tsk.
Hindi pwede 'to.
Kahit pakiramdam ko parang binugbog ang buo kong katawan dahil sa sakit, pinilit ko pa ring gawin ang daily rituals ko. Mabilis lang akong naligo at nakapagbihis ng school uniform.
Bago ako tuluyang bumaba ay sinuri ko muna ang itsura ko sa salamin.
Ang putla ko na.
Mamamatay na ba ako?
Tsk!
''Wag ka ngang mag-isip ng ganiyan Summer! Hindi ka ma
