Nang makarating kami sa sentro ng ballroom, doon ko lalong naramdaman ang bigat ng awtoridad ni Marco. Lahat ng mata ay nakatuon sa kanya at hindi lang dahil sa gwapo siya, kundi dahil siya si Marco Axel Laraza at pangalan pa lang ng pamilya niya ay pa-main character na ang atake. Ang kaninang masungit na diktador na halos kaladkarin ako, biglang naging charming host. Na-pressure tuloy ako na sabayan ang pagbabago niya, bigla ko tuloy nailabas nang wala sa oras ang ngiti kong pang-Miss Universe.
"Don Lorenzo! Good to see you," bati ni Marco sa isang matandang lalaki na kung makasuot ng ginto sa leeg ay parang balak magpatayo ng sariling branch ng sanglaan. "I'm glad you could make it tonight."
"Marco, my boy! Excellent work with the venue. I heard you personally curated the pieces for t
