♥RIANE♥
NAPAHIGPIT ang kapit ni Riane sa braso ni Thunder nang makapasok na sila sa loob ng dating school ng huli. Katulad nang inaasahan niya ay sa isang prestihiyosong eskwelahan nag-aral si Thunder. Napalunok siya habang pinagmamasdan ang magarang ayos ng event hall ng dating school ni Thunder.
"Are you okay?" saad ni Thunder na tumigil sa paglalakad.
Ngumiti siya na alam niyang hindi ngiting maituturing. "O-Okay lang ako."
"Are you sure—"
"Thunder Monteciara?"
Sabay silang napalingon ni Thunder sa kung sino mang tumawag dito. Bumungad sa kanya ang pamilyar na lalaki. Nanlaki ang mata niya nang mapagtanto kung sino ang lalaki. Isa sa mga sikat na actor ng Pilipinas ang nasa harap nila.
"Justine? Justine Tiu?"
"Good to see you, man. Kala ko hindi ka na pupunta eh." Nakangiting sa
