♥RIANE♥
"Whoa, congrats pare."
"Interesting..."
Hindi pinansin ni Riane ang sinasabi ng mga kaibigan ni Thunder at ang mga natulalang mga jowa ng mga ito kabilang na si Hermione. Nanatili ang tingin niya kay Thunder na kulang na lang ngumanga habang nakatingin sa kanya. Kumabog nang malakas ang puso niya, unti-unti na siyang tinablan ng hiya kaya tinangka niyang umiwas ng tingin dito pero bago niya pa magawa 'yon ay maagap nitong hinaplos ang pisngi niya.
Nakikita niya ang pagkislap ng mga mata ni Thunder. Unti-unti ay gumuhit ang ngiti sa labi nito. Kung hindi nga lang sa naghahabulan na kung ano sa tiyan niya dulot ng kaba baka inasar niya pa si Thunder nang makita ang pamumula ng magkabila nitong tenga.
"Are you serious?"
Nahagip ng paningin niya si Hermione na matalim ang tingin
