AYAW man dumalo ni Tamara sa maliit na salo-salo na inihanda ng mga katrabaho nila sa ospital para sa pagbabalik ni Dr. Nathan Ocampo. Wala siyang pagpipilian. Una, ayaw niyang ipakita dito na affected siya sa pagbabalik nito. Pangalawa, ayaw niyang lumabas na killjoy at walang pakisama sa mga katrabaho. Pangatlo, apo pa rin ito ng may ari ng ospital na pinagtatrabahuhan niya. Anuman ang mayroon sa pagitan nila ay labas ang trabaho sa personal nilang buhay.
Dahan-dahan siyang naglakad papasok sa private room na inuukupa ng mga kasamahan niya sa Blue Lagoon restaurant kung saan ginaganap ang maliit na salo-salo.
"Oh, andito na pala si Tamara eh," anang isa sa mga kasamahan nilang nurse na siyang unang nakapansin sa pagdating niya.
"Hi everyone," nagpakawala siya ng tipid na ngiti para sa
